Sport24.az
"Komandamızın həm hücum, həm də müdafiə potensialı çox yüksəkdir". Sport24.az xəbər verir ki, bunu "Gəncə"nin baş məşqçisi Halil Atlı klubun mətbuat xidmətinə açıqlamasında deyib.
Türkiyəli mütəxəssis Bakıda keçirilmiş yoxlama oyunları ilə bağlı fikirlərini bölüşüb: "Paytaxt səfərində "Neftçi" və "Abşeron"la ilə keçirdiyimiz yoldaşlıq görüşləri bizim üçün məhsuldar oldu. Onu deyim ki, komandamızın həm hücum, həm də müdafiə potensialı çox yüksəkdir. Hesabdan asılı olmayaraq, üzərində çalışdığımız oyun sxemini təkmilləşdirmək və daha da yaxşılaşdırmaq üçün iki əhəmiyyətli oyun keçirdik. Nəyi düzəltməli olduğumuzu müəyyən etdik. Çatışmazlıqlarımız və daha yaxşı etməli olduğumuz bacarıqlar üzərində işləməklə mövsümə ən yaxşı şəkildə başlayacağıq".
"Sarı-göylər"in çalışdırıcısı yeni oyunçuların potensialı barədə də danışıb: "Komandamıza cəlb etdiyimiz basketbolçuların potensialı bizi qane edir. Birlikdə oynamağı öyrənirlər, bir-birlərini tanıyırlar. Hazırlıq matçları bir çox fərqli parametrləri görmək baxımından çox məhsuldar keçdi və oyunçularımız ilk dəfə bir-biri ilə matç mühitində oynadılar. Bizim komandanı gücləndirəcək və inkişaf etdirəcək hərtərəfli bacarığa malik oyunçu heyətimiz var".
Qeyd edək ki, Azərbaycan Basketbol Liqasında 2024/2025 mövsümünə oktyabrın 18-də start veriləcək.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
