Sport24.az
"Abşeron" heyətini amerikalı yeni basketbolçu ilə gücləndirib. Sport24.az xəbər verir ki, 25 yaşlı oyunqurucusu Ayinde Hikkimlə mövsümün sonuna qədər müqavilə imzalanıb.
Vaşinqtonda anadan olan basketbolçu NCAA-də çıxış edib. Onun bu liqada ilk komandası "La Salle University Explorers" olub. Hikkim daha sonra 3 mövsüm Massaçusets universitetinin "Lowell River Hawks" (UMass Lowell) komandasının şərəfini qoruyub.
"Abşeron"un yeni üzvü NCAA-də 14,4 xal, 4,2 ribaund və 5,1 assist ortalaması ilə çıxış edib.
Qeyd edək ki, "Abşeron" buna qədər Jaja Devislə yollarını ayırıb, Ömər Yavaşla isə mövsümün sonuna qədər müqavilə imzalayıb.
