İdman.biz
Basketbolun 3x3 növü üzrə Dünya Qadın Seriyasının Qəbələ mərhələsinin startında növbəti dəfə dəyişiklik edilib.
İdman.bizin Qəbələyə ezam olunan əməkdaşı xəbər verir ki, turnirin saat 16:30-da başlaması gözlənilsə də, güclü yağış buna mane olub və ikinci dəfə görüşlərin vaxtı irəli çəkilib.
Son qərara əsasən, oyunlar qapalı məkanda - Qəbələ Olimpiya İdman Kompleksində keçiriləcək. İlk matçın saat 19:00-da start götürməsi gözlənilir.
***
17:02
Basketbolun 3x3 növü üzrə Dünya Qadın Seriyasının Qəbələ mərhələsinin startında dəyişiklik edilib.
İdman.bizin Qəbələyə ezam olunan əməkdaşı xəbər verir ki, turnirin saat 16:30-da başlaması gözlənilsə də, güclü yağış buna mane olub.
Nəticədə turnirin ilk oyunu olan Azərbaycan - "Baku Flames" matçı saat 18:00-da başlayacaq.
Yarışda 8 komanda mübarizə aparacaq. A qrupunda Azərbaycan, Portuqaliya, "Baku Fleyms" və "Varşava Lotto", B qrupunda isə Polşa, İtaliya, Rumıniya və "Barselona Panters" komandaları güclərini yoxlayacaq.
Qeyd edək ki, qrup mərhələsinə bu gün yekun vurulacaq. Sabah pley-off və final matçları baş tutacaq.
Emin Ağa
İdman.biz
