Sport24.az
Basketbolun 3x3 növü üzrə Qadın seriyasının Bakı mərhələsi start götürüb. Sport24.az xəbər verir ki, turnirin təsnifat mərhələsinin oyunları başa çatdıqdan sonra əsas raundun bütün iştirakçıları bəlli olub.
Azərbaycan yığmasının ikinci rəqibi də müəyyənləşib. Millimizin yer aldığı C qrupuna vəsiqəni Ukrayna qazanıb. Təsnifat mərhələsinin A qrupunda yarışan ukraynalılar İrlandiyanı 17:5, "Maebaşi Flovliş" (Yaponiya) klubunu 16:14 hesabı ilə məğlub edib. Onlar Azərbaycan və "Düsseldorf ZOOS"a rəqib olub. Millimizin Ukrayna ilə görüşü bu gün baş tutacaq. Qarşılaşma saat 18:30-da başlayacaq.
Qeyd edək ki, yığmamız ilk oyununu Almaniya klubuna qarşı keçirəcək. Bu matç 16:50-də start götürəcək.
