Idman.biz
"İndi daha diqqətli və əzmkar olmalıyıq".
İdman.biz xəbər verir ki, bunu "Ordu"nun basketbolçusu Brendon Toker komandanın mətbuat xidmətinə açıqlamasında deyib.
O, Azərbaycan Basketbol Liqasının pley-off mərhələsində bu gün keçiriləcək "Neftçi" ilə oyun öncəsi fikirlərini açıqlayıb: "İlkin mərhələdən sonra play-off mərhələsində mübarizə apardığımıza görə çox sevincliyik. Pley-off matçları adi oyunlardan fərqlənir. Burada həyəcan və adrenalin ən yüksək səviyyədə olur. "Neftçi" ilə oyunun da maraqlı və şən keçəcəyini düşünürəm. Burada yaxşı fiziki mübarizə və gözəl emosiyalar olacaq. Rəqibimiz çox güclü komandadır. Onlara qarşı bütün gücümüzü ortaya qoyacağıq. Bu seriyanın nə ilə nəticələnəcəyini səbirsizlə gözləyirəm. İnanıram ki, sonda qalib gələn "Ordu" komandası olacaq".
Qeyd edək ki, "Neftçi" - "Ordu" qarşılaşması bu gün, saat 18:00-da Bakı İdman Sarayında start götürəcək.
İdman.biz
