Sport24.az
"Məşq prosesi yaxşı keçir. Biz çox çalışırıq və xüsusilə meydançada 30 və ya 35 yox, 40 dəqiqə oynamalı olduğumuzu bilirik". Sport24.az xəbər verir ki, bunu NTD-nin basketbolçusu Kaleb Börges klubun mətbuat xidmətinə açıqlamasında deyib.
Amerikalı basketbolçu uğursuz seriyanın səbəblərindən danışıb: "Məncə, məğlubiyyətlərin səbəbi ondadır ki, komandamız gənc oyunçulardan ibarətdir. "Sabah"a qarşı oyunu çıxsaq, digər üç rəqibə cəmi 12 xal fərqi ilə məğlub olmuşuq. Bu qarşılaşmalarda qalib gəlməli idik".
O bildirib ki, məğlubiyyətlərə baxmayaraq bu klubda olmaqdan çox şaddır: "NTD-yə keçməmişdən əvvəl düşündüm ki, burada karyeramı davam etdirmək üçün yaxşı bir yer olacaq. Böyük nüfuza malik olan bir klubdur. Ölkə çempionatında isə rəqabət həqiqətən yüksəkdir. Hər oyunda gücünüzü sərf etməlisiniz, asan oyunlar olmur".
Qeyd edək ki, NTD 5 turdan sonra 6 xalla 5-cidir. Komanda 13 dekabrda "Abşeron"nun qonağı olacaq.
