Idman.biz
"Oyuna pis başlamadıq. Lakin təcrübə çatışmazlığı özünü göstərdi. Əsas problemimiz top itkiləridir. Oyun ərzində ard-arda səhvlərə yol verdik".
İdman.Biz xəbər verir ki, bu sözləri Azərbaycan Basketbol Liqasının altıncı turunda "Neftçi"yə 63:82 hesabı ilə uduzan NTD komandasının baş məşqçisi Tahir Baxşıyev qarşılaşmadan sonra deyib.
Mütəxəssis matçdakı çıxışı dəyərləndirib, heyətin gəncliyindən, yaşanan top itkilərindən və komandanın transfer planlarından söhbət açıb:
"Bunun üzərində çox çalışırıq. Amma yenə də təcrübəsizlik öz sözünü deyir. Heyətimiz çox gəncdir. Əminəm ki, uşaqlar zamanla daha da inkişaf edəcəklər. Bunun üçün öz üzərlərində çalışmalıdırlar. Mövsümün sonunda tamamilə fərqli oyunçular görəcəksiniz.
Hazırda istəyimiz gənc basketbolçularımıza daha çox oyun vaxtı verməkdir. Hələlik heyətə legioner cəlb etməyi planlaşdırmırıq".
