Idman.biz
"Son qarşılaşmada yüksək rəqabət vardı".
Bunu İdman.biz-ə "Neftçi"nin basketbolçusu Vante Hendriks deyib.
O, Azərbaycan Basketbol Liqasının final seriyasının 4-cü matçında qeydə alınan 84:66 hesablı qələbəni şərh edib. Amerikalı basketbolçu bildirib ki, komandası yaxşı oyun nümayiş etdirir: "Sabah"la son qarşılaşmamız yaxşı keçdi. Növbəti matçda da uğurlu çıxış edəcəyimizə inanıram. Fikrimcə, müdafiədə son matçdakı kimi oynasaq, hər kəsə qalib gələ bilərik".
Hendriks komandasının qələbə şanslarını da qiymətləndirib: "Düşünürəm ki, çempionluq həqiqətən mümkündür. Hər kəs öz üzərinə düşəni edə bilsə, çempionluğu qazana bilərik. Şəxsən mən bütün oyunlarda layiqli iştirak etmişəm".
Qeyd edək ki, "Neftçi" final seriyasında ardıcıl iki qələbə sayəsində hesabı bərabərləşdirib - 2:2. Komandalar arasında 5-ci qarşılaşma mayın 11-də baş tutacaq.
Aytac Sahəd
İdman.biz
