Idman.biz
NBA-da müntəzəm çempionatın MVP-si seçilən Şay Gilces-Aleksanderə Oklahoma-Siti şəhərinin xüsusi mükafatı verilib.
İdman.biz xəbər verir ki, şəhər meri Devit Holt mayın 22-i tarixini Şay Gilces-Aleksander Günü kimi təsdiqləyib.
Mer sosial şəbəkə hesabında bununla bağlı paylaşım edib: "Oklahoma Siti əhalisi adından sevimli Şay Gilces-Aleksanderı NBA-da müntəzəm çempionatın MVP-si seçilən seçilməsi münasibətilə təbrik edirəm! Şəhərimiz tarixində üçüncü dəfə dünyanın ən böyük basketbolçusunun evinə çevrildi. Şayın tarixi nailiyyətini və onun "Oklahoma Siti Tander"ə verdiyi unikal töhfələri nəzərə alaraq, mayın 22-i tarixini Şay Gilces-Aleksander Günü elan edirəm".
Qeyd edək ki, "Oklahoma Siti Tander" pley off-da Qərb Konfransının finalına yüksəlib və "Minnesota Timbervulvz"la seriyada 2:0 hesabı ilə önə keçib.
İdman.biz
