Idman.biz
"Qələbə ilə başlamaq çox vacib idi".
İdman.biz xəbər verir ki, bunu "Naxçıvan" basketbol klubunun baş məşqçisi Murat Dikmen klubun mətbuat xidmətinə açıqlamasında deyib.
O, Azərbaycan Basketbol Liqasında pley-off mərhələsində "Abşeron"la ilk oyunu şərh edib. Türkiyəli mütəxəssis bildirib ki, bu qarşılaşmada 88:83 hesabı ilə qalib gəlsələr də, hələ heç nə bitməyib: "Önümüzdə bizi daha bir matç gözləyir. Oyunçularımı təbrik edirəm. Həqiqətən çox yaxşı mübarizə apardılar. Pley-off mərhələsi normal mövsüm kimi baş tutmur. Burada daha fərqli mübarizələrə şahidlik edirik. İlk qarşılaşmada qalib gəldiyimiz üçün çox xoşbəxtəm".
O, cavab matçına yaxşı hazırlaşacaqlarını deyib: "Artıq ikinci görüşə köklənəcəyik. Ümid edirəm ki, o oyunda da qələbə qazanaraq adımızı yarımfinala yazdırarıq. Rəqibimizi də göstərdiyi mübarizəyə görə təbrik edirəm".
Qeyd edək ki, komandalar arasında ikinci oyun aprelin 22-də baş tutacaq.
İdman.biz
