Idman.biz
Azərbaycanın oğlan basketbolçulardan ibarət U-16 millisi Türkiyənin Bursa şəhərində təlim-məşq toplanışının ilk mərhələsinə başlayıb.
İdman.biz xəbər verir ki, yığma hazırlıq çərçivəsində yerli "Tofaş" (U-16) klubu ilə hazırlıq oyununda öz gücünü sınaqdan keçirib.
Hazırlıq oyununda Erhan Tokerin rəhbərlik etdiyi millimiz rəqibinə 44:71 hesabı ilə məğlub olub.
Hazırlıq prosesində əsas məqsəd iyulun 5-13-də Albaniyanın paytaxtı Tiranada keçiriləcək Avropa çempionatı C divizionunun oyunlarına hesablanıb.
Qeyd edək ki, təlim-məşq toplanışının ilk mərhələsi mayın 29-da yekunlaşacaq.
İdman.biz
