İdman.biz
Basketbolun 3x3 növü üzrə Dünya Qadın Seriyasının Qəbələ mərhələsində iştirak edən millimizin üzvü Mersedes Volker jurnalistlərin suallarını cavablandırıb.
İdman.biz xəbər verir ki, təcrübəli basketbolçu turnir və qarşıdakı planlardan danışıb.
- Turnir haqqında təəssüratlarınız necədir?
- Özümü əla hiss edirdim. Amma Dinanın zədələnməsi hər şeyi dəyişdi. Turnirdən qabaq Aleksi də zədələnmişdi. Ona görə biraz çətin oldu. Qarşıda bizi daha bir neçə görüş gözləyir. İşimiz daha da çətin olacaq. Bu turnir Olimpiadaya hazırlıq məqsədi daşıyır.
- Heyətlə bağlı hansı çatışmazlıqlar var?
- Aleksi bu turniri buraxır. Onun üçün bizim üçün çətindir. Əminəm ki, Molinhauer və Dina Olimpiya Oyunlarında bizimlə olacaq. Bu zaman biz daha da güclənəcəyik.
- Ən çox çəkindiyiniz rəqib hansıdır?
- Burada hər oyun fərqli ola bilər. Bəzi görüşlərdə komanda fantastik oynaya bilər, digərində əksinə. Oyundan oyuna hər şey dəyişə bilir.
- Tifani Heyzin yoxluğu nə dərəcədə təsir edir?
- Tifani Heyz də komandanın aparıcı oyunçusu idi. Amma o daha çox böyük basketbol oynayırdı. O indi qadın NBA liqasında çıxış edir və ulduz basketbolçulardandır. Biz ondan çox şey öyrənirik və hər dəfə gələndə komandaya fayda verir.
Emin Ağa
İdman.biz
