Idman.biz
ABŞ Milli Basketbol Assosiasiyasının (NBA) 2025/2026 mövsümünün növbəti oyununda "Filadelfiya Sikserz" öz meydanında "Los-Anceles Leykers"i qəbul edib.
İdman.Biz xəbər verir ki, matç qonaqların 112:108 hesablı qələbəsi ilə yekunlaşıb.
Kaliforniya təmsilçisinin sloveniyalı ulduzu Luka Donçiç görüşün ən məhsuldar oyunçusu olub. O, 31 xal, 15 ribaund və 11 asistlə imza atıb.
"Los-Anceles Leykers"in başqa bir lideri Lebron Ceyms də qarşılaşmada parlaq çıxış edərək 29 xal, yeddi ribaund və altı ötürmə ilə yadda qalıb.
Məlumat üçün əlavə edək ki, hazırda Milli Basketbol Assosiasiyasının turnir cədvəlinə 47 xalla "Oklahoma-Siti Tander" liderlik edir.
