İdman.biz
"Təəssüf ki, oyun qurucularımızdan məhrum idik. Bu vəziyyətə uyğun hazırlaşmışdıq".
İdman.biz xəbər verir ki, bunu "Lənkəran"ın baş məşqçisi Georgi Kondruseviç deyib.
Mütəxəssis Azərbaycan Basketbol Liqasının IV turunda "Ordu"ya 55:92 hesablı məğlubiyyəti şərh edib. O bildirib ki, yaranmış fasilə onların əleyhinə olub: "Komandamız çempionatda fasilə zamanı yoldaşlıq oyunları keçirmədi. Bu da oyun ritmindən düşməyimizə səbəb oldu. Əgər birinci hissədə vəziyyətə nəzarət etməyə çalışırdıqsa, təəssüf ki, ikinci hissədə oyun qurucularının yoxluğu özünü göstərdi. Biz fərdi oyunla çıxış etməyə başladıq və rəqibin sürətli keçidlərinə qarşı pis müdafiə olunduq. Bu vəziyyət isə belə nəticəyə gətirib çıxardı. Çox təəssüf ki, yaxşı oyunla azarkeşlərimizi sevindirə bilmədik. Amma yaxın zamanda problemlərimizi həll edib, əvvəlki ritmimizə qayıtmağa çalışacağıq".
Qeyd edək ki, "Lənkəran" B qrupunda 6 xalla turnir cədvəlinin üçüncü pillədə yer alıb.
İdman.biz
