Idman.biz
ABŞ-nin "Filadelfiya Siksers" basketbol komandasının ulduzu Lebron Ceymsin Los-Ancelesdəki evinin ərazisində qəribə hadisə baş verib.
İdman.Biz xəbər verir ki, 41 yaşlı basketbolçunun mühafizəçiləri təhlükəsizlik kameralarında naməlum şəxsi görərək polisə məlumat veriblər.
Hadisə yerinə gələn hüquq-mühafizə orqanlarının əməkdaşları həmin şəxsi təqibdə şübhəli bilinərək saxlayıblar. Lakin şübhəlinin polisə verdiyi açıqlama vəziyyəti daha da qəribələşdirib.
O, özünü Lebron Ceymsin oğlu kimi təqdim edib. Bununla belə, həmin şəxsin iddiasını təsdiqləyən heç bir məlumat yoxdur.
Polisin məlumatına görə, şübhəli evin yerləşdiyi ərazidə olsa da, yaşayış binasına daxil olmayıb. Onun şəxsiyyəti və hadisənin digər təfərrüatları hələlik açıqlanmayıb.
Hadisə zamanı Lebron Ceyms Los-Ancelesdə olmayıb. Basketbolçu Ohayo ştatında "Klivlend Kavaliers"ə qarşı NBA Kuboku matçında iştirak edib.
Qeyd edək ki, "Filadelfiya Siksers" həmin qarşılaşmada 95:119 hesabı ilə məğlub olub. Lebron Ceyms oyunu səkkiz xal, yeddi ribaund və üç məhsuldar ötürmə ilə başa vurub.
