Sport24.az
"İlk olaraq, komandamı yaxşı oyuna və layiqli qələbəyə görə təbrik edirəm". Sport24.az xəbər verir ki, bunu "Neftçi"nin məşqçisi Daviti Çivçivadze NTD ilə oyundan sonra klubun mətbuat xidmətinə açıqlamasında deyib.
Mütəxəssis NTD-ni çətin rəqib kimi dəyərləndirib: "Ona görə oyun çox çətin keçdi. İlk hissədə əks hücumla bağlı bəzi problemlərimiz var idi. Lakin ikinci hissədə bu problemləri aradan qaldırdıq və yaxşı atışlar etməklə bərabər, həm də aqressiv müdafiə olunduq. Tədricən oyunumuz öz axarına düşdü və sonda qələbə qazanan tərəf olduq. İndi növbəti rəqimiz olan "Sərhədçi"yə qarşı hazırlaşmalıyıq və bunun üçün cəmi iki gün vaxtımız var. Buna baxmayaraq, əlimizdən gələni edəcəyik ki, həmin oyunda da qələbə qazanaq."
Qeyd edək ki, "Sərhədçi" İdman Mərkəzində baş tutan qarşılaşmada "Neftçi" NTD-yə 76:64 hesabı ilə qalib gəlib.
