Basketbol üzrə Avroliqanın "Dördlər finalı"nın keçirildiyi Berlində azarkeşlər arasında dava düşüb.
İdman.biz xəbər verir ki, yunan klublarının azarkeşləri əlbəyaxa olublar.
Yunanıstanın iki məşhur klubu "Olimpiakos" və "Panatinaikos"un azarkeşləri Berlin küçələrində savaşıblar. Nəticədə 12 fanat xəstəxanaya yerləşdirilib və onlardan birinin vəziyyəti kritikdir. Alman polisi onlarla azarkeşi saxlayıb.
Qeyd edək ki, bu gün 3-cülük matçında "Fənərbaxça" – "Olimpiakos", finalda isə "Real" – "Panatinaikos" oyunları keçiriləcək.
İdman.biz