Idman.biz
"Rəqibimizi finala çıxdığı üçün təbrik edirəm".
İdman.biz xəbər verir ki, bunu "Şəki" basketbol klubunun baş məşqçisi Bedri Meriç mətbuat xidmətinə açıqlamasında deyib.
O, Azərbaycan Basketbol Liqasının yarımfinalında "Sabah"a 72:96 hesablı məğlubiyyəti şərh edib: "Mövsümün gətirdiyi yorğunluqdan dolayı enerjimiz azalmışdı. Yenə də uşaqlar əllərindən gələni etdi. İlk hissədə rəqibə qarşılıq verə bilmədik. Ondan sonra da matçda onlara çatmağımız mümkünsüz oldu. Mövsümün ən yaxşı performans göstərən komandası olduq. Finala çıxa bilməsək də, çempionatı 3-cü sırada bitirdik. Bu, bildiyim qədəri ilə Şəki şəhərinin idman tarixində ən yaxşı nəticəsidir. Şəki şəhərinə bu da bizdən hədiyyə olsun. Düşünürəm ki, Şəkinin idman mədəniyyətinin inkişafı üçün bu, bir addım oldu. Ümidvaram ki, bu uğurdan sonra Şəkidə basketbola maraq artar, məşqçilər daha yaxşı oyunçular yetişdirər, valideynlər uşaqlarını idmana yazdırar. Şəki kiçik şəhər olsa da, burada böyük ürəklərlə oynadıq. Bütün oyunçularımı ürəkdən təbrik edirəm. Mövsüm boyu bizim yanımızda olan azarkeşlərə də təşəkkürümü çatdırıram".
Qeyd edək ki, hər iki oyunda uduzan "Şəki" mövsümü başa vurub.
İdman.biz
