Idman.biz
Basketbol üzrə Çempionlar Liqasının əsas mərhələsinin püşkatma mərasimindən əvvəl səbətlərin tərkibi bəlli olub.
İdman.biz xəbər verir ki, müntəzəm yarışda debüt edəcək Azərbaycan çempionu "Sabah"ın da hansı səbətdə yer alacağı dəqiqləşib.
Bakı təmsilçisi 3-cü səbətdə olacaq. Komandamızın potensial rəqiblərini təqdim edirik. "Sabah" hər səbətdən bir klubla düşəcək.
"Sabah"ın potensial rəqibləri
1-ci səbət: AEK (Yunanıstan), "Alba" (Almaniya), "Dreamland" (İspaniya), "Qalatasaray" (Türkiyə), "Joventut" (İspaniya), "La Laquna" (İspaniya), "Ritas" (Litva), "Unikaxa" (İspaniya);
2-ci səbət: "Nimburk" (Çexiya), "Filu" (Belçika), "Hapoel Natanel" (İsrail), "İqokea" (Bosniya və Herseqovina), "Promiteas Vikos Kola" (Yunanıstan), "Benfika" (Portuqaliya), "Tofaş" (Türkiyə), "Riqa" (Latviya);
4-cü səbət: "Karditsa" (Yunanıstan), "MLP Akademiks" (Almaniya), "Pallakanestro" (İtaliya), "Spartak Ofis Şuz" (Serbiya), "Trapani Şark" (İtaliya), təsnifat mərhələlərin üç qalibi.
Qeyd edək ki, Çempionlar Liqasının qrup mərhələsinin püşkü iyulun 2-də Lozannada (İsveçrə) atılacaq.
İdman.biz
