İdman.biz
Basketbolun 3x3 növü üzrə Qadın seriyasının Bakı mərhələsində iştirak edəcək komandaların yekun siyahısı bəlli olub.
İdman.biz xəbər verir ki, 16 komanda turnirə qatılmaq üçün müraciətini təsdiqləyib.
Ölkəmizi yarışda yalnız Azərbaycan millisi təmsil edəcək. "Baku Flames" klubu ilkin siyahıda olsa da, Bakıdakı turnirdə oynamayacaq.
Təmsilçimiz kimi daha bir komanda iştirakçılar sırasını tərk edib. Sinqapur millisi də ölkəmizə gəlməyəcək.
Bu iki komandanı Almaniyanın "Düsseldorf ZOOS" və İspaniyanın "Loqrono Sentral" klubu əvəz edəcək. Bakı mərhələsinə Niderland, Fransa, İspaniya, Polşa, İtaliya, Portuqaliya, Ukrayna, Filippin, İrlandiya və Avstriya yığmaları da qatılacaq.
Çin turnirdə U-24 millisi ilə təmsil olunacaq. Yaponiyanın "Maebaşi Flovliş" və Macarıstanın "Qyor" klubları da iştirakçılar sırasında olacaq.
Qeyd edək ki, Bakı mərhələsi avqustun 17-18-də keçiriləcək.
İdman.biz
