Report.az
Azərbaycanın 3x3 basketbol millilərinin Avropa Kubokunun təsnifat mərhələsindəki rəqibləri müəyyənləşib.
Bu barədə "Report"a Basketbol Federasiyasının mətbuat xidmətindən məlumat verilib.
7-8 iyun Kosovonun Priştina şəhərində 3x3 basketbol üzrə Avropa Kubokunun (2025) təsnifat mərhələsinin oyunları baş tutacaq. Təsnifat oyunlarında həm kişi, həm də qadın millilərimiz əsas mərhələyə vəsiqə qazanmaq uğrunda mübarizə aparacaqlar. Kişilərdən ibarət millimiz "B" qrupunda Kosovo, Malta seçmələri ilə, qadın millimiz "B" qrupunda Kosovo yığması ilə üz-üzə gələcək. Kişi millimiz qrupda ilk oyununu 7 iyun Bakı vaxtı ilə 11:45-də Maltaya qarşı, ikinci oyununu isə 8 iyun 13:35-də Kosovo yığmasına qarşı keçirəcək. Qızlarımızın isə qrupdakı yeganə oyunu 8 iyun saat 13:10-da Kosovo millisinə qarşı baş tutacaq.Qeyd edək ki, kişi və qadın kateqoriyalarında yalnız təsnifat mərhələsinin qalibləri Avropa Kubokunun (2025) əsas mərhələsində iştirak etmək hüququ qazanacaqlar.
