İdman.biz
Basketbolun 3x3 növü üzrə Azərbaycan milliləri Avropa kubokunda mübarizə aparacaq.
İdman.biz xəbər verir ki, Avstriyanın paytaxtı Vyanada təşkil olunacaq yarış avqustun 22-dən 25-dək keçiriləcək.
Mübarizəyə ilk olaraq qadın millimiz start verəcək. Komandamız İspaniya və Avstriya yığmaları ilə qarşılaşacaq. İlk oyununu avqustun 22-də keçirəcək millimiz Bakı vaxtı ilə saat 15:40-da İspaniya, 19:15-də Avstriya ilə üz-üzə gələcək.
Kişi basketbolçularımızın qrupdakı rəqibləri Avstriya və Niderland olacaq. Millimiz qrup oyunlarını avqustun 23-də keçirəcək. Yığmamız Bakı vaxtı ilə saat 15:40-da Niderland, 19:15-də Avstriya ilə görüşəcək.
Qeyd edək ki, hər qrupda iki ən yaxşı komanda 1/4 finala vəsiqə qazanacaq.
İdman.biz
