Sport24.az
"Gəncə" basketbol klubunun baş məşqçisi Halil Atlı mövsümün yekun ilə bağlı klubun mətbuat xidmətinə açıqlama verib. Sport24.az xəbər verir ki, mütəxəssis mövsümlə bağlı fikirlərini bölüşüb:
"Hər şeydən əvvəl mövsum ərzində bizə dəstək verən azarkeşlərə təşəkkür edirəm. Onları sevindirməyə çalışdıq. Mən bura gələndə basketbola küskün olan Gəncə vardı. Bu çempionat gördüyümüz işlərlə insanların sevgisini təkrar qazanan komanda gördüm. Öz adıma deyə bilərəm ki, qurduğum komandaya görə çox xoşbəxtəm. Oyunçularıma xarakterlərinə və verdikləri mübarizəyə görə minnətdaram. Mənə problem yaşatmadılar. Texniki heyətə, köməkçimə, menecerimizə, həkimə və bizə yardımçı olan hər kəsə təşəkkürümü bildirirəm. Bu mövsüm "Gəncə" üçün yaxşı işlər görmək istərdik. Arxaya dönüb baxanda kubokda final oynayan, pley-offa vəsiqə qazanan bir kollektiv qurmağı bacardığımızı görürəm. Bura gələndə ilk hədəfimiz təkrar olaraq pley-offlarda oynamaq idi. Bu istəyimizə çatdıq. Bütün azarkeşlərdən halallıq istəyirəm. Məşqçi kimi əlimdən gələnin ən yaxşısını etməyə çalışdım. Sıxıntıları necə dəf edə, yaxşı gördüyümüz işləri necə daha da inkişaf etdirə bilərik deyə düşündük. Federasiya rəhbərliyinə də təşəkkür edirəm, bizə fəaliyyətimiz üçün yaxşı imkanlar yaratdılar".
