Idman.biz
Azərbaycan Basketbol Liqasının 15-ci turunda daha bir oyun keçirilib.
İdman.Biz xəbər verir ki, B qrupunun qarşılaşmasında "Sumqayıt" doğma meydanda "Sərhədçi"ni qəbul edib.
Görüş "Sərhədçi" klubunun 98:94 hesablı qələbəsi ilə yekunlaşıb.
Günün son oyununda isə A qrupunda "Abşeron Lions" "Sabah"la üz-üzə gələcək. Qarşılaşma Bakı İdman Sarayında saat 18:00-da başlayacaq.
10:20
Bu gün Azərbaycan Basketbol Liqasının 15-ci turunda daha iki matç baş tutacaq.
İdman.Biz xəbər verir ki, B qrupunda "Sumqayıt" doğma meydanda "Sərhədçi"ni qəbul edəcək. Görüşün start fiti saat 14:00-da səslənəcək.
Günün ikinci matçında isə A qrupunda "Abşeron Lions" "Sabah"la üz-üzə gələcək.
Qarşılaşma Bakı İdman Sarayında, saat 18:00-da başlayacaq.
Turnir cədvəlinin B qrupunda "Sumqayıt" 19 xalla dördüncü pillədə yer alıb. "Sərhədçi" isə 18 xalla sonuncu - altıncı sıradadır. A qrupunda isə "Sabah" 27 xalla birinci, "Abşeron Lions" isə 27 xalla ikincidir.
Qeyd edək ki, turun əvvəlki oyunlarında "Lənkəran" - "Ordu"nu (103:63), "Naxçıvan" isə "Quba"nı (82:70) məğlub edib.
Azərbaycan Basketbol Liqasında 15-ci tura fevralın 1-də yekun vurulacaq.
