İdman.biz
"Oyunçular belə vəziyyətlərdə bir-birinə dəstək olmalıdır. Rəqibin də oyununu təqdir etmək lazımdır. Əla hücumlar qurdular. Dəqiqlik faizləri də yüksək idi".
İdman.biz xəbər verir ki, bunu "Sumqayıt" basketbol klubunun baş məşqçisi Aleksandr Mixaylov deyib.
O, Azərbaycan Basketbol Liqasının III turunda "Şəki"yə 61:101 hesablı məğlubuyyəti şərh edib: "Biz isə dəfələrlə hücumdan boş dönürdük. Nəyisə dəyişmək istədik, bir ara xal fərqinin də çox da artmasına imkan vermədik... Ribaundları uduzduq və bu da rəqibin fərqi artırmasına səbəb oldu. Nəsə bəhanə axtarmağa dəyməz. Belə çətin vəziyyətlərdə oyuna tam köklənmək lazımdır. Məğlubiyyəti kənardan izləmək üzücüdür. Epizodik məqamlarda yaxşı oynadıq, amma ümumilikdə zəif təsir bağışladıq. Bəli, zədəli oyunçularımızın yoxluğu da müəyyən mənada öz sözünü dedi. Bəlkə də onlar meydanda olsaydı, qarşımızda fərqli mənzərə yaranacaqdı. Amma istənilən halda xarakter nümayiş etdirmək lazımdır".
Qeyd edək ki, "Sumqayıt" mövsümdə keçirdiyi hər 3 oyunda meydanı məğlub tərk edib.
İdman.biz
