Qadınlardan ibarət 3x3 yığmamız iyulun 11-13-də Rumıniyanın paytaxtı Buxarestdə keçiriləcək Dünya Qadın Seriyasının növbəti mərhələsində iştirak edəcək.
İdman.biz xəbər verir ki, millimiz turnirdə mübarizəyə təsnifat mərhələsindən başlayacaq.
Komandamızın rəqibləri Yaponiya təmsilçisi "Tsukuba" və İsveçrənin "Lozanna" klubları olacaq. Yığmamız ilk oyununu Bakı vaxtı ilə saat 13:20-də "Tsukuba" klubu ilə, ikinci oyunumuz isə saat 15:00-da "Lozanna" komandasına qarşı olacaq.
Qeyd edək ki, Buxarest mərhələsində iştirakın əsas məqsədi Avropa Kubokunun oyunlarına optimal formada hazırlaşmaqdır.
İdman.biz