Idman.biz
Bu gün Sumqayıtda 3×3 basketbolu üzrə qadınlar arasında Dünya Seriyasının növbəti mərhələsi start götürüb.
İdman.biz xəbər verir ki, 2 gün davam edəcək yarışda 16 komanda mübarizə aparır.
Onlardan 12-si milli - Azərbaycan, Çexiya, Polşa, Ukrayna, Slovakiya, Qazaxıstan, Madaqaskar, Çin, Benin, Fransa, Böyük Britaniya, Latviya, 4-ü klubdur - "Karolina"(Puerto Riko), "Pekin"(Çin), "Takasaki"(Yaponiya), "CS Rapid"(Rumıniya).
Azərbaycan yığması Çexiya və Slovakiya ilə birgə A qrupunda gücünü yoxlayacaq. Millimiz ilk oyunda çexiyalılarla üz-üzə gəlib. Basketbolçularımız 20:12 hesabı ilə qalib gəliblər.
Komandamız bu gün ikinci oyununda meydana çıxacaq.
Dünya Qadın Seriyası
A qrupu
26 iyul
18:55 Çexiya - Azərbaycan -
20:35 Azərbaycan – Slovakiya
Qeyd edək ki, qrupda ilk 2 yeri tutan komandalar 1/4 finala yüksələcəklər.
İdman.biz
