Tərlan Əhmədov: "Bilirdik ki, "Neftçi" müdafiə futbolu oynayacaq"

Sayta qoyulub: 19:59 03.11.2018 (68 dəfə oxunub)

Tərlan Əhmədov: "Bilirdik ki, "Neftçi" müdafiə futbolu oynayacaq"

Topaz Premyer Liqasında X turun “Keşlə” – “Neftçi” (0:1) oyunundan sonra keçirilən mətbuat konfransında meydan sahiblərinin baş məşqçisi Tərlan Əhmədov fikirlərini bölüşüb. 46 yaşlı mütəxəssis əvvəlcə məğlubiyyəti şərh edib:

 

- "Qarabağ"la matçdan 72 saat keçməmiş yenidən oyuna çıxdıq. Dünya praktikasına belədi ki, futbolçu 72 saat istirahət eməlidi. Ancaq bizdə vaxt az oldu. Buna baxmayaraq, komandadan istədiyim futbolu gördüm. Hücumda problemlərimiz var. Erkən qol planlarımza təsir etdi. Bilirdik ki, "Neftçi" müdafiə futbolu oynayacaq. Hücum etməyi, rəqibi tzəyiq altında saxlamağı tapşırmışdım. Məğlubiyyətə baxmayaraq, oyundan razı qaldım. Qış fasiləsinədək 4 tur var. Getdikcə daha maraqlı futbol oynayan "Keşlə" görəcəksiz.

 

- Rəqibin sabiq klubunuz “Neftçi” olması oyuna təsir etdimi?
- Bu, artıq keçmişdə qalıb AZAL-da, “Xəzər Lnkəran”da da işləmişəm. Peşəkar fəaliyyətdə hər il dəyişiiklik ola bilər. Bunlardan mənim işimə problem yaradacaq nəsə yoxdu. Keçmişlə yaşamıram.

 

- Keçən il “Neftçi”ni qəbul edəndə də çətin vəziyyətdə idi, amma sonda 3-cü edə bilmişdiz. “Keşlə” ilə də bunu bacarmaq mümkün olacaq?
- Bacarıb-bacarmamaq görəcəyimiz işdən asılıdı. Bu, kollektiv işdi. Hər halda, burda hamı uğur üçün çalışır. Keçən oyundan daha fərqli oynadıq. Addım-addım işimizi görməyə başlayırıq. “Qarabağ”la oyundan bir gün əvvəl gəlmişdim, ondan sonra isə iki gün vaxt var idi. Əsas işimiz taktiki və psixoloji baxımdan idi. Bundan sonrası kollektiv işdən asılıdı.

 

- İstirahət üçün az vaxtınızın olduğunu dediz. Bununla bağlı harasa müraciət etmişdiz?
- Yox. Əvvəldən məlum idi ki, bu gün oynayacağıq. İstəyirik, bəlkə bir gün sonraya keçirək. Ümumiyyətlə, dünya futbolunda 72 saat istirahət var. Bunu əlimizdə bayraq emirik. Sadəcə rəqib 1 həftə, biz 2 gün dincəlmişdik. Xüsusi qabartmağa ehtiyac yoxdu.

XƏBƏR LENTİ