Qurban Qurbanov: "Özümə və Rəşad Sadıqovun gücünə arxayınam"

Sayta qoyulub: 22:10 18.08.2018 (125 dəfə oxunub)

Qurban Qurbanov: "Özümə və Rəşad Sadıqovun gücünə arxayınam"

"Futbolçularımı təbrik edirəm. İlk oyunda qələbə qazanmaq vacib idi". Bu sözləri "Qarabağ"ın baş məşqçisi Qurban Qurbanov deyib. Ağdam təmsilçisi Topaz Premyer Liqasının II turunda səfərdə "Səbail"i məğlub edib. Oyundan sonra baş tutan mətbuat konfransında iştirak edən təcrübəli çalışdırıcı fikirlərini bildirib:

 

- Heyətdə müəyyən dəyişikliklər etmişdik. Buna baxmayaraq, pis oyun alınmadı. Komanda nəticəyə oynamağa bacardı. "Səbail"ə qarşıdakı oyunlarda uğurlar arzulayıram.

 

- Avropa Liqasındakı rəqibiniz olan “Şerif”lə oyun haqda nə düşünürsünüz?

- BATE-yə məğlub olduq. Hər iki oyunda meydanda ən yaxşısını etməyə çalışdıq. Oyunumuz da pis alınmadı. Xüsusən də, ikinci oyun yaxşı alındı. Epizodlarımız çox oldu. Vurduğumuz qolu da məşqlərdə çalıışmışdıq. Elə oyunumuz yoxdu ki, çatışmazlığımız olmasın. Bu, normaldı. “Şerif”lə tanış olmuşam, oyunlarına baxmışıq, asan olmayacaq. Hər iki komanda qrup mərhələsi üçün mübarizə aparacaq. Çalışacaıq ki, oyuna düzgün hazırlaşaq.

 

- Rəşad Sadıqovun səhvləri müzakirə olunurdu. Sizcə də, Rəşad artıq getməlidir?
- Belə söhbətlərdən uzaq olmağa çalışıram, kiminsə yerinə danışmaq istəmirəm. Ola bilsin, azarkeşlərin mövqeyi fərqli olsun. Rəşadı məndən yaxşı tanıyan olmaz. Onun karyerasını davam etməsini mən istədim. Rəşad üçün hər il bu söz-söhbətlər olur. Ona israrla qalıb oynamasını dedim. Özümə və Rəşadın gücünə arxayınam. O, bizə lazımdı. Onun nə gücü tükənib, nə də oyunu zəifləyib. Səhv axtarsaq, çox oyunçuda bunu aşkar edərik. Sadəcə, üzdə olan insan daha çox müzakirə olunur, onun səhvi daha çox görünür, yaxşı epizodları səhvlərə nisbətən gec görünür. Tənqidlərə normal baxıram, Rəşad haqda bu fikiri bildirənlərə də hörmətlə yanaşırıq. Elə bir yer yoxdu ki, futbol müzakirə olunmasın. Yəni, bu hal normaldır. Rəşadın gücü tükənməyib. O özü də üzgündü. Güclü insandı. İnanıram ki, qarşıdaki oyunları daha yaxşı olacaq.

 

- Bu gün Rəşadın olmamağı nə ilə bağlıdır?

- İstirahət verilmişdi. Tək ona yox, əsas heyətin bir neçə oyunçusu istirahətdə idi. Rəşad səhər də məşq etmişdi. Elə bir problem yoxdu, hər şey qaydasındadır. Bu fikirlər hamıya təsir edər, mənə də təsir edib. Peşəkar olmalıyıq, soyuqqanlı yanaşmalıyıq.

 

- Sizcə, Delarj “Qarabağ”ın uğursuz transferidir?

- Deməzdim, gözləmək azımdı. O hələ özünün idela formasından uzaqdı. Komandada məşqə ən gec qoşulan oyunçudur. Vaxt lazımdı.

XƏBƏR LENTİ