Azərbaycan Premyer Liqasında çıxış edən daha iki klub təlim-məşq toplanışı üçün Türkiyəyə yollanıb

Sayta qoyulub: 08:24 16.07.2018 (81 dəfə oxunub)

Futbol üzrə Azərbaycan Premyer Liqasında çıxış edən daha iki klub təlim-məşq toplanışı üçün ölkə xaricinə üz tutub.

Bu gün səhər “Sumqayıt” və “Sabah” klubları Türkiyənin Bolu bölgəsinə yola düşüblər. Hər iki kollektiv iyunun 29-dək qonşu ölkədə hazırlıq keçəcək.

“Koru” otelində məskunlaşacaq Nazim Süleymanovun rəhbərlik etdiyi “Sumqayıt” 4 yoxlama oyunu keçirəcək. Lakin rəqiblər hələlik açıqlanmır. “Sabah” da hazırlıq çərçivəsində 4 görüşə çıxacaq. Artıq rəqiblərdən ikisi bəllidir. Debütant iyulun 18-də Türkiyə I liqasında mübarizə aparan “Giresunspor”, iyulun 28-də isə Superliqa təmsilçisi “Alanyaspor”la qarşılaşacaq. Digər iki rəqibin adına yaxın günlərdə aydınlıq gələcək.

Qeyd edək ki, Azərbaycanı Çempionlar Liqasında təmsil edən “Qarabağ” Avstriyada, Avropa Liqasında mübarizə aparan “Qəbələ” Sloveniyada, “Neftçi” Boluda, “Keşlə” isə Ankaranın Kızılcahamam bölgəsində təlim-məşq toplanışı keçib. “Səbail” klubu iyulun 10-dan Kızılcahamamda məskunlaşıb. “Zirə” isə iyulun 19-da Boluya gedəcək.

 

 

Azərbaycan Premyer Liqasında çıxış edən daha iki klub təlim-məşq toplanışı üçün Türkiyəyə yollanıb

 

“Report” 

XƏBƏR LENTİ