Araz Abbullayev "Neftçi"yə qayıda bilər

Sayta qoyulub: 14:31 10.05.2018 (203 dəfə oxunub)

 

Araz Abbullayev "Neftçi"yə qayıda bilər

"Qəbələ"nin mövsümün əvvəlində Kiprin "Anortosis" klubuna icarəyə verdiyi Araz Abdullayevin müqaviləsi başa çatmaq üzrədir. Famaqusta təmsilçisi millimizin üzvünü heyətində saxlamaqda maraqlı deyil və bu səbəbdən "Qəbələ" ilə danışıqlara getmək istəmir. Roman Qriqorçukun planlarına daxil olmayan Araza ölkə xaricindən təkliflər var. Kipr və Avropanın ortabab klubları 26 yaşlı yarımmüdafiəçinin xidmətində maraqlıdır. Lakin Arazın ölkəmizə dönmək variantı da var. Cinah futbolçusunu sabiq komandası "Neftçi" istəyir. Paytaxt klubu bunun üçün hər hansı bir addım atmasa da, transfer siyahısına Abdullayevin də adını qeyd edib. Abdullayev 2008-2011 və 2012-2016-cı illərdə "Neftçi"nin formasını geyinib. 2011-12-ci illərdə müqavilə ilə İngiltərə “Everton”una məxsus olan yarımmüdafiəçi icarə əsasında 2012-ci ilin ilk yarısındə Yunanıstanın “Panionios” klubunda legioner həyatı yaşayıb. 2016-cı ilin qışında isə Araz "Qəbələ" ilə iki illik müqavilə imzalamışdı.

 

XƏBƏR LENTİ