Renault şirkəti Red Bull-a düşünmək üçün daha iki həftə vaxt verib

Sayta qoyulub: 12:45 08.05.2018 (208 dəfə oxunub)

Biz xəbər vermişdik ki, Renault şirkəti Red Bull komandasına 2019-cu ildə istifadə edəcəyi motorla bağlı qərarı vermək üçün mayın 15-ə qədər gözləyəcək. Buna səbəb kimi motorun hazırlanması üçün zəruri detalların sifariş edilməli olduğunu göstərmişdilər.

F-1.az bildirir ki, Siril Abitebul son açıqlamasında avstriyalı komandaya verdikləri vaxtı daha iki həftə uzatdıqlarını deyib: “Bir çox qələbələrin qazanıldığı 12 illik əməkdaşlıqdan sonra Red Bull-la işləməyə davam etmək bizim üçün xoş olar. Lakin əsas problem zamandır. Mayın 31-dən sonra biz onlar üçün gələn ilə motor hazırlayacağımıza zəmanət verə bilmərik. Ayın sonuna qədər vaxt var və biz onlara verdiyimiz müddəti daha iki həftə uzadırıq”.

Digər seçim isə McLaren-dən ayrıldıqdan sonra Toro Rosso-nu motorla təchiz edən Honda-dır. Red Bull rəhbərliyinin Bakıda yaponlarla danışıqlar apardığı, müzakirələrin İspaniya Qran Prisi günlərində davam etdiriləcəyi bildirilir…

XƏBƏR LENTİ