FİDE-nin Prezident Şurası Kirsan İlümjinovun dərhal istefasını tələb edib

Sayta qoyulub: 20:41 09.04.2018 (186 dəfə oxunub)

 

FİDE-nin Prezident Şurası Kirsan İlümjinovun dərhal istefasını tələb edib

Beynəlxalq Şahmat Federasiyasının (FİDE) Prezident Şurasının üzvləri təşkilatın rəhbəri Kirsan İlümjinovun dərhal istefasını tələb ediblər.

İstefanın lehinə 14 şura üzvü səs verib. Üzvlərdən yalnız 1-i buna qarşı çıxıb.

FİDE-nin rəsmi saytında bildirilir ki, K. İllumcanovun adı ABŞ-ın sanksiyalar tətbiq etdiyi şəxslərin siyahısındadır. Buna görə ali şahmat qurumu maliyyə çətinliyini yaşayır. Xüsusən Qərb bankları təşkilatla əməkdaşlıqdan imtina ediblər. 

Ağır vəziyyət sponsorların və idmançıların qapılarını bağlayaraq, FİDE-nin nüfuzuna mənfi təsir göstərir. Həmçinin, təşkilatın Rusiyanın paytaxtı Moskvadakı ofisinin bağlanması tövsiyə edilib. 

1995-ci ilin noyabrından FİDE-yə rəhbərlik edən K. İllumcanov Suriya hökumətinə maddi kömək və Dəməşqin maraqları çərçivəsində fəaliyyətinə görə ABŞ-ın Maliyyə Nazirliyinin sanksiyalar siyahısına salınıb. 

XƏBƏR LENTİ