L.Həmilton üçüncülüyə sevinir

Sayta qoyulub: 15:04 09.04.2018 (167 dəfə oxunub)

Mercedes komandasının sürücüsü Lyuis Həmilton bildirib ki, üçüncülük yaxşı nəticədir və məyus deyil.

F-1.az xatırladır ki, britaniyalı sürücü yarışa 9-cu yerdən başlasa da, sürətlə 4-cü yerə yüksəlib və Rəykkönenin mübarizəni dayandırması ilə yarışı 3-cü yerdə bitirib.

Lyuis Həmilton: “Əvvəlcə Sebastyanı təbrik edirəm. Valtteri də həftəsonu ərzində mükəmməl iş görərək layiq olduğu nəticəni aldı. Doqquzuncu yerdən başlayıb üçüncü olmaq pis nəticə deyil. Onsuz da yarışdan əvvəl əsas məqsəd zərəri minimuma endirmək idi. Yarışda əksər hallarda komanda körpüsü ilə əlaqə yarada bilmirdim. Məni eşitmirdilər və əsəblərim pozulurdu. Sebastyan 15 saniyə öndə idi və nə edəcəyimi bilmirdim. Təkərləri də qorumalı idim. Buna görə də məlumatsız qalmaq əsəblərimi pozdu. Fanlara isə bizi dəstəklədikləri üçün təşəkkür edirəm. Onlar üçün əlimdən gələni etdim”.

XƏBƏR LENTİ