Avstraliya-2018: Trasda dəyişikliklər və ötmə (DRS) zonaları

Sayta qoyulub: 09:27 23.03.2018 (121 dəfə oxunub)

Növbəti Qran Pri ərəfəsində FİA keçən illə müqayisədə trasdakı dəyişikliklər barədə məlumatı dərc edib və DRS-dən istifadə zonalarını təsdiq edib. Bu il Albert Parkda bizi ciddi yenilik gözləyir – sürücülər tarixdə ilk dəfə 3 ötmə zonasında hücum etmək şansı qazanıblar.

F-1.az federasiyanın rəsmi saytına istinadən bildirir ki, Albert Parkda cüzi dəyişikliklər edilib. Belə ki, 5-ci döngənin çıxışında porebriklər 5 metr uzadılıb. Keçən il sürücülərə ciddi problem yaşadan 12-ci döngənin çıxışındakı ikili porebriklər yenidən sökülüb. Nəhayət, 13-cü və 14-cü döngələrin çıxışında isə əks istiqamətli 50 mm-lik yeni porebriklər quraşdırılıb.

Melburnda iki DRS zonası əvvəlki kimi olacaq. FİA yeganə interval ölçmə nöqtəsi ilə bu iki DRS zonasını təsdiq edib: hər il olduğu kimi əgər 14-cü döngənin apeksinə 13 metr qalmış maşınlar arasında interval ölçülən nöqtədə interval bir saniyədən az olarsa, onda hücum edəcək sürücü DRS sistemini iki ardıcıl düzlükdə aktivləşdirə bilər – start düzlüyündə (sonuncu döngədən 30 metr sonra) və ikinci-üçüncü döngələr arasındakı düzlükdə (2-ci döngədən 32 metr sonra).

Bundan başqa FİA bu ildən Albert Parkda yeni DRS zonası tətbiq etməyi qərara alıb. Yeni ötmə zonasının deteksiya nöqtəsi 11-ci döngədən 170 metr öndə yerləşəcək. Əgər bu nöqtədə iki maşın arasındakı interval bir saniyədən az olarsa, onda arxadakı sürücü 12-ci döngədən 102 metr sonra arxa qanadın hərəkətli elementini işə sala biləcək.

Avstraliya-2018: Trasda dəyişikliklər və ötmə (DRS) zonalarıhttp://www.f-1.az/files/uploads/2018/03/f-1.az_2018-03-22_11-35-41-300x176.jpg 300w, http://www.f-1.az/files/uploads/2018/03/f-1.az_2018-03-22_11-35-41-768x451.jpg 768w" style="box-sizing: border-box; border: 0px; vertical-align: middle; display: block; margin: 5px auto; max-width: 100%; height: auto;" width="920" />

XƏBƏR LENTİ