N.Todt: “Pul hər şey deyil”

Sayta qoyulub: 09:36 14.01.2018 (138 dəfə oxunub)

Məşhur sürücü meneceri Nikolya Todt bildirib ki, Formula1-də çıxış etmək üçün təkcə pul bəs eləmir.

F-1.az xatırladır ki, son illərdə sponsor hesabına yarışan sürücülərin sayı artıb. Pastor Maldonado, Vitaliy Petrov, Serxio Peres, Ləns Stroll, Bruno Senna və Markus Eriksson belə sürücülərdəndir.

Nikolya Todt: “Maliyyə cəhətdən güclü olmaq həmişə yaxşıdır. Amma təkcə bu bəs eləmir. FİA super lisenziya verəndə sürücülərin qarşısına tələblər qoyur. Milyonlarınız ola bilər, amma bu tələbləri yerinə yetirə bilməsəniz, Formula1-ə girmək şansınız olmur. Məncə, bu, ədalətli sistemdir.

Hazırda çox şikayət etsələr də, düşünürəm ki, Formula1 əla vəziyyətdədir. Həmişə dediyim kimi, Formula1 böyük idmandır və buna pullu idman demək olmaz”.

XƏBƏR LENTİ