Ramin Musayev: "Bu nəticəni gözləyirdim"

Sayta qoyulub: 08:49 16.12.2017 (149 dəfə oxunub)

Ramin Musayev: "Bu nəticəni gözləyirdim"
 

“Sumqayıt” Azərbaycan kubokunun ¼ final mərhələsində “Qarabağ”a 2:0 hesabı ilə qalib gələrək yarımfinala yüksəlib.

Peşəkar Futbol Liqasının prezidenti Ramin Musayev jurnalistlərin suallarını cavablandırıb. Musayev ilk olaraq oyun haqda danışıb:

- Baxımlı, əzmkar oyun oldu. “Sumqayıt” layiqli qələbə qazandıq. Baxmayaraq ki, komandanın baş məşqçisi Samir Abasov ölkə hüdudlarından kənardadır. Ona işiylə bağlı uğurlar diləyirəm.

- Bu nəticəni gözləyirdiniz?

- Desəm ki, gözləyirdim, inanmayacaqsınız. Amma bunu gözləyirdim. Hətta Əmrəh Çəlikəllə bura gələndə dedim ki, baxmağa da dəyməz (gülür).

- “Sumqayıt”ın paltardəyişmə otağına daxil olanda səs-küy qopdu. Nə baş verirdi?

- Komandanı təbrik elədim. Hamısı yerli futbolçularımızdı.Təbrik etmək ixtiyarımız yoxdur? 

- Adətən belə səs-küy mükafat veriləndə olur...

- Mükafat üçün pul var? Olsa verərəm (gülür). Pul olsa, böyük məmnuniyyətlə verərdim. Amma maddi sıxıntılar var. Büdcəmizdə qırmızı işıq yanır.

 

XƏBƏR LENTİ