"Qarabağ" Çempionlar Liqasında 32 milyon qazandı

Sayta qoyulub: 11:18 07.12.2017 (277 dəfə oxunub)

Çempionlar Liqasının (ÇL) qrup mərhələsi artıq başa çatıb. Turnirdəki təmsilçimiz “Qarabağ” qitənin ən nüfuzlu klub turnirində qrupu 2 xalla başa vurub.

Qurban Qurbanovun komandası keçirdiyi 6 oyundan yalnız ikisində heç-heçə edə bilib. Ağdam klubu evdə və səfərdə Madrid “Atletiko”sundan xal almağı bacarıb.

Bununla da təmsilçimiz qrup mərhələsində də qazanc əldə edib. Pley-off-da Danimarka “Kopenhagen”ini məğlub edən “köhlən atlar” 12,7 milyon avroya sahib çıxmışdı. İki heç-heçəyə görə də komandamız 1 milyon avro əldə edib. Üstəlik, marketinq gəlirlərini nəzərə alsaq, buradan təxminən 2 milyon yarım avro gəlir əldə ediləcək. Beləliklə, “Qarabağ”ın ÇL-dən ümumi qazancı təxminən 16 milyon avro olacaq. Bu da 32 milyon manat edir.

XƏBƏR LENTİ