R.Kubitsa: “Məqsədim gözəl hekayə yazmaq deyil”

Sayta qoyulub: 10:10 07.12.2017 (98 dəfə oxunub)

Robert Kubitsa Formula1-ə gözəl hekayə qəhrəmanı olmaq üçün deyil, idmanı sevdiyi üçün qayıdacaq.

F-1.az xatırladır ki, polşalı sürücü bu il həm Renault, həm də Williams komandaları ilə testlər edib və qənaətbəxş nəticələr göstərib.

Robert Kubitsa: “Son dövrlər barəmdə çox şey yazırlar və bunlardan xəbərdaram. Bunlar normaldır. İllər sonra Formula1-ə qayıtmaq üçün bir addım atdım və həm Renault, həm də Williams bu mövzuda mənə dəstək verdilər.

İnsanlar məndən hekayə qəhrəmanı olmağımı gözləyirlər, amma məqsədim bu deyil. Mən sadəcə sevdiyim işlə məşğul olmaq istəyirəm. Fanatlara da təşəkkür edirəm. Mənə çox dəstək verdilər və həmişə yanımda oldular. Bolidə ilk dəfə oturandan bəri hər şey normal görünürdü. Bu işi görə bilərəm. Əgər Formula1-ə qayıda bilsəm, məqsədim təkcə statistikamı yaxşılaşdırmaq olmayacaq. Həmişəki kimi ən yaxşı nəticələri almağa çalışacam”.

XƏBƏR LENTİ