"Ardanın "Barselona"da qalmasını istəyirəm" - prezident

Sayta qoyulub: 13:59 05.12.2017 (146 dəfə oxunub)

"Barselona"nın prezidenti Josep Mariya Bartomeu komandanın futbolçusu Arda Turan haqda açıqlama verib.


O, türk yarımmüdafiəçinin Kataloniya klubu üçün önəmli futbolçu olduğunu deyib: "Sözün düzü, mən onun futbolçu karyerasını "Barselona"da davam etdirməsini istəyirəm. Arda zədəli idi, amma indi yaxşı durumdadır. Tam olaraq hazır olduqdan sonra meydanda nələr edə biləcəyini görəcəyik".


Klub prezidenti Arda üçün hər hansı klubdan rəsmi təklif almadıqlarını da bildirib: "Ardanın gələcəyi öz əlindədir. Hər şey ondan asılıdır. Komandada qalıb-qalmayacağı ilə bağlı qərarı özü verəcək".


Qeyd edək ki, bu mövsüm heç bir rəsmi matçda iştirak etməyən A.Turanın bu qış "Barselona"dan ayrılacağı gözlənilir.

 

"Ardanın "Barselona"da qalmasını istəyirəm" - prezident

 

 

 

qol.az

XƏBƏR LENTİ