Beynəlxalq sərgidə AFFA guşəsi

Sayta qoyulub: 10:32 02.12.2017 (130 dəfə oxunub)

FİFA 2018 Dünya Çempionatının final mərhələsinin püşkatma mərasimi ərəfəsində - noyabrın 30-dan etibarən Rusiyanın paytaxtı Moskvada XV “Futbol Market” beynəlxalq futbol sənayesi sərgisi keçirilir.

Sərgidə AFFA-nın yerli futbol infrastrukturuna həsr olunmuş guşəsi yerləşdirilib. AFFA-nın sərgidə iştirakının əsas məqsədi yerli futbol infrastrukturunun təqdimatı, xarici yığma komandaların və klubların ölkəmizdə təlim-məşq toplanışı keçirməyə cəlb edilməsidir.  Guşədə AFFA Məşq Mərkəzi, Futbol Akademiyası, yeni reabilitasiya mərkəzi, Bayıl stadionu və Bakı Olimpiya Stadionu haqqında məlumat təqdim olunub. AFFA-nın guşəsi xüsusilə Rusiya futbol klublarının və Asiya ölkələrinin futbol federasiyalarının nümayəndələrinin marağına səbəb olub. Sərgidə AFFA-nın İnfrastruktur və Marketinq şöbələrinin nümayəndələri iştirak edib.

Bakı şəhərində olan futbol infrastukturları iqlim şərtlərinin və qiymətlərin digər ölkələrdən daha münasib olmasına görə təlim-məşq toplanışlarının keçirilməsi üçün cəlbedicidir. Son 1 ildə artıq Türkmənistan və Küveyt futbol federasiyaları ölkəmizdə təlim-məşq toplanışları keçiblər.

Artıq XV dəfə təşkil edilən “Futbol Market” beynəlxalq futbol sənayesi sərgisinin bu il üçün əsas mövzuları stadionların effektiv istifadəsi, futbol klublarının marketinq və menecmenti, texnologiya və innovasiyalardır. Sərgidə yerli idman qurumları və 30-dan çöx ölkədən nümayəndələr iştirak edir.

<video airplay="allow" height="100%" id="yaVideoPlayer_976405" playsinline="webkit-playsinline" preload="none" style="background-color: rgb(0, 0, 0);" width="100%"></video>

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

Beynəlxalq sərgidə AFFA guşəsi 

XƏBƏR LENTİ