Voleybol üzrə Çempionlar Liqasının püşkü atıldı

Sayta qoyulub: 07:52 17.11.2017 (196 dəfə oxunub)

Qadın voleybolçular arasında Çempionlar Liqasının püşkü atılıb. Azərbaycan komandalarının mübarizə aparmayacağı qitənin ən nüfuzlu klub turnirində qruplar müəyyənləşib. Belə ki, 16 klub 4 qrupa bölünüb. Mərasimdə yığmamızın hücumçuları Natalya Məmmədova və Polina Rəhimovanın da şərəfini qoruduğu komandaların rəqibləri bəlli olub. Məmmədovanın çıxış etdiyi Kazan “Dinamo”su II qrupda “Novara” (İtaliya), “Mulhous” (Fransa) və “Qalatasaray”la (Türkiyə) yarışacaq. Rəhimovanın formasını geyindiyi “Fənərbaxça” isə “Dinamo” (Moskva, Rusiya), “Xemik” (Polşa) və “Volero” (İsveçrə) ilə eyni qrupa düşüb. Çempionlar Liqasında ilk tur dekabrın 12-də başlayacaq. Qrup mərhələsinə fevralın 27-də yekun vurulacaq. Qeyd edək ki, Azərbaycan ardıcıl 7 mövsüm Çempionlar Liqasında oynadıqdan sonra yarışdan kənar qalıb.

 

I qrup

“Fənərbaxça” (Türkiyə)

“Dinamo” (Moskva, Rusiya)

“Xemik” (Polşa)

“Volero” (İsveçrə)

 

II qrup

“Novara” (İtaliya)

“Mulhous” (Fransa)

“Qalatasaray” (Türkiyə)

“Dinamo” (Kazan, Rusiya)

 

III qrup

“Lodz” (Polşa)

“Alba” (Rumıniya)

“Agel” (Çexiya)

“Vizura” (Serbiya)

 

IV qrup

“Vakıfbank” (Türkiyə)

“Konegliano” (İtaliya)

“Developres” (Polşa)

“Maritsa” (Bolqarıstan)

  

SON AYDA ƏN ÇOX OXUNANLAR:

    XƏBƏR LENTİ