Y.Trulli: “Fettelin hələ şansı var”

Sayta qoyulub: 13:27 22.09.2017 (166 dəfə oxunub)

Sabiq Formula1 sürücüsü Yarno Trulli bildirib ki, Fettelin çempionluq şansları hələ də davam edir.

F-1.az xatırladır ki, Fettel Sinqapur yarışına favorit kimi gəlmiş və sıralanma turunda poul qazanmışdı. Amma almaniyall sürücü startda Ferstappeni sıxışdırmaq istəyərkən, insident yaşayaraq mübarizəni dayandırmış və çempionluq uğrunda ağır zərbə almışdı. 30 yaşlı sürücü hazırda lider Həmiltondan 28 xal geri qalır.

Yarno Trulli: “İlk dövrədəki insidentin günahkarı Fettel idi. Sola manevr edərkən diqqətli ola bilərdi. 28 xallıq fərq böyük görünsə də, avtoidmanda hər şey mümkündür. Mercedes-in bir səhvi Fetteli yenidən titul uğrunda mübarizənin içinə daxil edə bilər. Ferrari kimi komanda güclü olduğu bir mövsümdə asanlıqla təslim olmaz. Mövzu onlardırsa, son yarışın son döngəsinə qədər hər şey ola bilər. Görək nə olur. Bizi çox həyəcanlı 6 yarış gözləyir”.

XƏBƏR LENTİ