Qurban Qurbanov: "Hazırda bizi nə "Şerif", nə də "Kukesi" maraqlandırır"

Sayta qoyulub: 18:09 14.07.2017 (218 dəfə oxunub)

Qurban Qurbanov: "Hazırda bizi nə "Şerif", nə də "Kukesi" maraqlandırır"

 

Bu gün Çempionlar Liqasının III təsnifat mərhələsinin püşkü atılıb. “Qarabağ” II mərhələdəki rəqibi “Samtredia”nı məğlub edəcəyi təqdirdə, növbəti mərhələdə “Şerif” (Moldova) - “Kukesi” (Albaniya) cütünün qalibi ilə qarşılaşacaq. Ağdam təmsilçisinin baş məşqçisi Qurban Qurbanov püşklə bağlı öz fikirlərini klubun rəsmi saytına açıqlamasında bildirib:

“Hazırda bizi nə “Şerif, nə də “Kukesi” maraqlandırır. İyulun 18-i baş tutacaq “Samtredia”yla cavab oyununa hazırlaşırıq. Bütün fikrimizi bu qarşılaşmaya yönəltmişik”.

Xatırladaq ki, "Qarabağ" ilk oyunda evdə 5:0 hesabı ilə məğlub etdiyi gürcülərin iyulun 18-də Tiflisdə qonağı olacaq.  

XƏBƏR LENTİ